Прыпыненьне Белым домам больш высокіх тарыфаў будзе дзейнічаць да 10 лістапада, піша AFP.
«Я толькі што падпісаў выканаўчы загад, які падоўжыць прыпыненьне тарыфаў на Кітай яшчэ на 90 дзён», — напісаў Дональд Трамп на сваёй плятформе Truth Social.
У той час як Злучаныя Штаты і Кітай сёлета ўвялі больш высокія тарыфы на тавары адзін аднаго, давёўшы іх да трохзначных узроўняў і абмежаваўшы гандаль, абедзьве краіны ў траўні дамовіліся часова зьнізіць іх.
90-дзённае прыпыненьне больш высокіх тарыфаў павінна было скончыцца ўжо 12 жніўня.
ГЛЯДЗІЦЕ ТАКСАМА: Трамп увёў дадатковае мыта для Індыі за пакупку нафты ў Расеі. Індыя абвінаваціла ЗША і ЭЗ у падвойных стандартахПрыкладна ў той жа час, калі Трамп падпісаў дакумэнт, кітайскае дзяржаўнае інфармацыйнае агенцтва «Сіньхуа» апублікавала сумесную заяву па выніках перамоваў паміж ЗША і Кітаем у Стакгольме, у якой гаварылася, што яно таксама падоўжыць сваю частку перамір’я.
У паведамленьні гаворыцца, што Кітай працягне прыпыняць папярэдняе павышэньне тарыфаў на 90 дзён, пачынаючы з 12 жніўня, захоўваючы пры гэтым 10-працэнтнае мыта.
Кітай таксама «прыме або будзе падтрымліваць неабходныя захады для прыпыненьня або скасаваньня нетарыфных контразахадаў супраць Злучаных Штатаў, як гэта было ўзгоднена ў сумеснай Жэнэўскай дэклярацыі», паведамляе «Сіньхуа».
ГЛЯДЗІЦЕ ТАКСАМА: «Капітуляцыя» ці кампраміс? Эўразьвяз сутыкаецца з нэгатыўнай рэакцыяй з-за гандлёвай зьдзелкі з ЗША